“Fəsil dəyişikliyinə görə soyuqdəymə əlamətlərilə həkimə müraciət edən xəstələrin sayı artıb”.

Aktual.az  xəbər verir ki, bunu AzVision.az-a ölkənin baş pediatri Nəsib Quliyev deyib. 

O qeyd edib ki, yay fəslində uşaqlar arasında bağırsaq pozğunluqlarına tez-tez rast gəlinib, payızda isə qripə yoluxan, soyuqdəymə əlamətləri olan uşaqların sayı çoxalıb. 

Baş pediatr vurğulayıb ki, hər il olduğu kimi uşaqların kollektivlərdə cəmləşməsilə virusla yoluxan uşağın digər uşaqları xəstələndirməsi ehtimalı çox olur.