Ötən il 20 yaşa qədər 459 kişi, 16 min 345 qadın rəsmi nikaha daxil olub. Dövlət Statistika Komitəsinin məlumatına görə, 2015-ci ildə nikaha girən 15-17 yaş arası bir kişi, 17-19 yaş arası isə 11 kişi boşanıb.

Ötən il boşanan 12 gəncin evliliyi 5 ilə qədər davam edib.

Aktual.az xezerxeber.com-a istinadən bildirir ki, 20 yaşa qədər nikaha girən qadınların sayı çox olduğu kimi boşananlar arasında da kişilərə nisbətən qadınlar üstünlük təşkil edir. Belə ki, 2015-ci ildə 15-17 yaş arası 3 qadın, 18-19 yaş arası isə 176 qadın boşanıb. Ötən il boşanan 179 qadının da evliliyi 5 ilə qədər davam edib.

Sosioloq Əhməd Qəşəmoğlunun sözlərinə görə, erkən yaşda qurulan ailənin boşanma ilə nəticələnməsinin əsas səbəbi fərdin şəxsiyyət kimi tam formalaşmamasıdır.

Əhməd Qəşəmoğlu deyir ki, hisslərinin təsirinə çox zaman oğlanlar düşürlər. Qızlar isə ailələrinin təkidi ilə erkən nikaha girməyə məcbur edilirlər.

Valideynlər isəgünahı uşaqların özlərində görürlər.

Mütəxəssislər hesab edirlər ki, ailə qurmağın ən ideal yaşı qızlar üşün 25, oğlanlar üçün isə 29 hesab olunur.