Lənkəran şəhərində quşçuluq sexindən naqilləri oğurlayan şəxs tutulub.

Aktual.az  DİN-ə istinadən bildirir ki, şəhər sakini Zakir Manafova məxsus Quşçuluq sexindən 2 000 manat dəyərində elektrik naqilləri oğurlanıb. 

Lənkəran Şəhər Rayon Polis Şöbəsinin (ŞRPŞ) əməkdaşlarının həyata keçirdikləri əməliyyat-axtarış tədbirləri nəticəsində quşçuluq sexindən elektrik naqillərini oğurlamaqda şübhəli bilinən Lənkəran sakini Natiq Əliyev tutulub. 
Faktla bağlı Lənkəran ŞRPŞ-də araşdırmalara başlanılıb.

Qeyd edək ki, quşçuluq sexi şəhər ərazisində fəaliyyət göstərən şirkətlərdən birinə məxsusdur.