Ötən ilin birinci yarısına olan statistika əsasən, Azərbaycanda orta tibb işçilərinin sayı 56 mini keçib.

Aktual.az "Report"a istinadən xəbər verir ki, Dövlət Statistika Komitəsindən verilən məlumata görə, ötən illərlə müqayisədə tibb işçilərinin sayında keçən il azalma müşahidə edilib.
Belə ki, 2015-ci ildə ölkə üzrə orta tibb işçilərinin sayı 56 148 nəfər idisə, bu rəqəm on il bundan əvvəl (2005-ci il) 59 746 nəfər olub. Eyni zamanda, bu göstərici 2014-cü ildə isə 56 941 olub.
Bundan başqa, ötən il üçün qeydə alınan 56 148 nəfər orta tibb işçisindən 39 037-si tibb bacısı, 5 009-u akuşer, 3 403-ü feldşerdir.
Azalmalar səhiyyə sahəsində aparılan islahatlarla əlaqələndirilib.