Bu il noyabrın 5-də açılışı olmuş Qarabağ Atçılıq Kompleksinin hesabına Azərbaycan Qarabağ atları ixrac edə bilər. 

Bu barədə "Report" açıqlamasında kənd təsərrüfatı nazirinin müavini İlham Quliyev bildirib.

"Həmin kompleksdə atçılığın inkişafı ilə bağlı bütün tədbirlər - atların karantin zonasının yaradılması, vaxtaşırı müayinə və müalicə edilməsi, yarışlara hazırlanması, satışa çıxarılması nəzərdə tutulub. Məqsədimiz odur ki, bu sahəni inkişaf etdirək, o cümlədən ixrac üçün atlar yetişdirək və bununla da kompleksin gələrlərinin artımına nail olaq", - o qeyd edib.