Bu gün Azərbaycan Premyer Liqasının 2015/16 mövsümünün püşkatma mərasimi keçirilib.

Aktual.az apasport.az-a istinadən xəbər verir ki, tədbir AFFA-nın inzibati binasında baş tutub.

Saat 12:00-da başlayan mərasimə Premyer Liqanın 10 iştirakçısı qatılıb. Püşkatma zamanı ilk turun 5 cütü müəyyənləşib.

 
Bu cütlər avqustun 8-9-da üz-üzə gələcək.
 
Azərbaycan Premyer Liqası

I tur
 

8-9 avqust

"Qəbələ" - "Qarabağ"

"Xəzər Lənkəran" - "İnter"

"Rəvan" - "Sumqayıt"

"Zirə" - AZAL

"Neftçi" - "Kəpəz"
 
Qeyd edək ki, sayca 24-cü olan ölkə çempionatında çıxış edəcək 10 komandadan 7-si ötən mövsümdə elitada çıxış edənlərdir. Bunlar "Qarabağ", "İnter", "Qəbələ", "Neftçi", AZAL, "Xəzər Lənkəran", "Sumqayıt" klublarıdır. "Kəpəz", "Rəvan" yenidən Premyer Liqada çıxış edəcəksə, "Zirə" debütantdır. Çempionatın tam təqvimi isə bir neçə gün sonra dəqiqləşəcək.