AZAL-ın Bakıdan Qroznıya uçan və duman səbəbindən Aktau limanına yönləndirilən, Xəzər dənizi üzərində quş sürüsü ilə toqquşması səbəbindən qəzaya uğrayan təyyarəsinin göyərtəsində 62 sərnişin, 5 ekipaj üzvü olmaqla, ümumilikdə 67 nəfər olub.
Aktual.az xəbər verir ki, bu barədə AZAL məlumat yayıb.
Bildirilib ki, sərnişinlər arasında uşaqlar olmayıb, zərərçəkənlər barədə məlumat tezliklə təqdim ediləcək. Məlumata görə sağ qalanlar var, onlara ilkin tibbi yardım göstərilir.
"Qazaxıstan tərəfi ilə təmaslar həyata keçirilir və hadisə yerində Qazaxıstanın fövqəladə xilasetmə qurumları tərəfindən lazımi operativ zəruri dəstək göstərilir", - məlumatda qeyd edilib.