Xalq artisti Aygün Kazımova 31 dekabr Yeni il gecəsini türkiyəli müğənni Çeliklə birlikdə qeyd edəcək.
Gecce.az-ın məlumatına görə, paytaxt restoranlarının birində baş tutacaq gecəyə müğənni özəl hazırlaşdığını bildirib:
“Hər çıxışım bir şoudur. Mənim üçün səhnə müqəddəs məkandır. Yeni il gecəsi çıxacağım tədbirə xüsusi hazırlaşıram. Eksklüziv səhnə kostyumum olacaq. Həmin libasın üzərində bir neçə modelyer işləyir. Gecəyə uyğun olaraq xüsusi makiyaj olunacağam. Bundan əlavə yeni mahnılarım var. Türkiyədə hazırlanıb. Hələ heç yerdə səslənməyib. Məhz sevənlərim həmin mahnılarımı Yeni il gecəsi orada dinləyəcək. Məni sevənlər bombalara hazır olsun”.
Təşkilatçılığını Nahid Emiloğlunun etdiyi gecənin aparıcısı Zaur Nəbioğludur.
//Aktual.az
