Bu barədə Femida.az-a bu barədə Kamil Müsəvi özü məlumat verib.
Baş leytenant zədəli olan gözünün bərpası üçün mayın 8-də Türkiyəyə gedəcəyini bildirib.
“Müdafiə Nazirliyinin maddi və mənəvi dəstəyi ilə yeni protez ayaq qoyulub. Dövlətimizdən və vətəndaşlardan çox razıyam. Bir an belə məni diqqətdən kənarda qoymadılar. Bildiyiniz kimi mən həmin vaxt sol gözümü və ayağımı itirmişdim. Digər ayağım və qolum isə ciddi zədələnmişdi. Dövlətin maddi dəstəyi ilə mənə protez ayaq qoyuldu.
Güləş üzrə yığma komandanın böyük məşqçisi Firdovsi Umudov və Qazaxlı xeyriyyəçi Arzuman Abdulkərimov gözümün bərpası üçün Türkiyədə müayinə keçməyimə kömək edirlər.
Müayinələrin nəticəsi müsbətdir. İnşallah, mayın 8-də gözümün bərpası üçün Türkiyəyə gedəcəyəm. Orada həmçinin protez ayağım da dəyişdiriləcək. Yeni qoyulacaq ayaqda hissiyyat olacaq. Həyata inamım böyükdür
Sevinirəm ki, xeyirxah insanlar və sizin kimi jurnalist dostlarım var. Mətbuat vasitəsi ilə bir daha mənə dəstək olan hər kəsə təşəkkürümü bildirirəm. İndi bildim ki, yaşamağa dəyərmiş.”
// Aktual.az
