Bakıda marşrut avtobusunda oğurluq etmiş şəxs tutulub.
Aktual.az Daxili İşlər Nazirliyinin mətbuat xidmətinə istinadən bildirir ki, martın 14-də Nəsimi rayonu ərazisində 20 saylı xətt avtobusunda Ağsu rayon sakini Azər Niftəliyevin cibindən 500 ABŞ dollarını oğurlayaraq avtobusdan düşüb qaçan şəxs həmin ərazidə xidmət aparan Əlahiddə Çevik Polis Alayının əməkdaşları tərəfindən tutulub.
Onun, Sumqayıt şəhər sakini, əvvəllər məhkum olunmuş Ehtiram Cavanşirli olması müəyyən edilib. Nəsimi Rayon Polis İdarəsi tərəfindən araşdırma aparılır.
