“Biz terrorizmdən əziyyət çəkən xalqıq".
Aktual.az Apa-ya istinadən xəbər verir ki, bunu Azərbaycanın ATƏT PA-dakı nümayəndə heyətinin üzvü Tahir Mirkişili Vyanada ATƏT Parlament Assambleyasının qış sessiyasında çıxışı zamanı deyib.
O bildirib ki, terror hökumət səviyyəsində olanda, daha təhlükəli olur: “Bu gün bizim üçün əlamətdar gündür. Xocalıda baş verən faciədən 24 il keçir. Həmin hadisədə 613 nəfər həlak olub. Əgər biz terrordan və təhlükəsizlikdən danışırıqsa, əvvəlcə tarixə baxmalıyıq, bu kimi hadisələrin bir daha baş verməməsi üçün addımlar atmalıyıq”.
