Aktual.az Trend-ə istinadən xəbər verir ki, hakim Səbuhi Hüseynovun sədrliyi ilə keçirilən prosesdə təqsirləndirilən şəxsə hökm oxunub. Məhkəmənin hökmü ilə T.Kazımov 10 il müddətinə azadlıqdan məhrum edilib.

İttihama görə, bu il iyun ayının 20-də Bakının Suraxanı rayonu, Qaraçuxur qəsəbəsi E.Bəkirli küçəsindəki fərdi yaşayış evində yaşayan 1988-ci il təvəllüdlü T.Kazımov həyat yoldaşı, 1991-ci il təvəllüdlü Maya Kazımovanı boğaraq öldürüb. T.Kazımov hadisədən dərhal sonra polisə gedərək təslim olub. O, ilkin ifadəsində həyat yoldaşını qısqanclıq zəminində öldürdüyünü bildirib. Ailənin birgə nikahdan 3 azyaşlı övladı qalıb.

 

Aktual.az