"Barselona" yeni transferi Arda Turan hazırlıq prosesi zamanı sağ ayağından zədələnib.
Aktual.az xəbər verir ki, bu barədə "Marca" nəşri məlumat yayıb. Türkiyəli yarımmüdafiəçi məşqi yarımçıq qoyub, daha sonra fizioterapevtin rəhbərliyi altında yüngül qaçışla kifayətlənib.
Ardanın zədəsinin ciddi olub-olmadığını müəyyənləşdirmək üçün müayinədən keçəcəyi bildirilir.
"Barselona" ilə 5 illik müqavilə imzalayan Arda 2016-cı ilin yanvarına qədər yeni komandasında rəsmi görüşlərdə oynaya bilməyəcək.
