Bu gün Ankarada dəmiryolu vağzalı yaxınlığında partlayış baş verib.

20 nəfərin öldüyü, çox sayda yaralı olduğu barədə məlumat verilib. 

Hadisə yerinə çox sayda təcili-tibbi yardım maşınları cəlb edilib. İlkin məlumatlarda partlayışın terror aktı olduğu ehtimal edilir.

Məlumatlarda ölənlərin və yaralıların sayının artacağı təxmin edilir.

Terror aktının kamikadze tərəfindən törədilməsi istisna olunmur.

x x x

Açılqanan son məlumatlara görə, yaralananların sayı 100 nəfərdən artıqdır.

x x x

Ankara polisinin verdiyi məlumata görə, terror aktında ölənlərin sayı 30-a, yaralananların sayı isə 126-ya çatıb.

Məlumatda bildirilir ki, Ankara polisi terrorçuların yeni terror aktları törətməsindən ehtiyat edirlər.

x x x

Son məlumatlarda qeyd olunur ki, terror aktında ölənlərin sayı 47-ə çatıb.

x x x

Trend-in məlumatına görə, Anadolu Agentliyi Türkiyənin səhiyyə naziri Mehmet Müəzzinoğluna istinadən xəbər verir ki, terror aktında ölənlərin sayı 86-ya, yaralananların sayı isə 186-ya çatıb.\trend

Aktual.az