Ankara və Suruçdakı kamikadze partlayışlarının təşkilatçısı kimi adı keçən şəxsin telefon danışıqları dinlənilib.

Aktual.az Axar.az-a istinadən xəbər verir ki, Türkiyənin Adıyaman bölgəsindən olan Mustafa Dokumacının 2013-cü ildən bəri dinlənilən telefon danışıqlarının stenoqramı yayılıb.
 
Danışıqlarda Suriyada döyüşdüklərini qeyd edən Mustafa: "Allaha həmd olsun, 45 nəfəri öldürdük", - söyləyib. O, yanında adıyamanlı döyüşçülər olduğunu dilə gətirib. Arvadının da yanında olduğunu bildirən Mustafa Suriyanın Telabyad bölgəsində yerləşib.
 
Qeyd edək ki, 2014-cü ildə Türkiyənin Adıyaman prokurorluğunda onunla birlikdə Mehmet İşbar və Salin Küçüktaş barəsində cinayət işi başlanıb. Hər üç şəxs Əl Qaidə təşkilatına bağlılıqda ittiham olunur.