Qazaxıstanın Şərqi Qazaxıstan vilayətinin Şemonaix şəhərində, mənzillərdən birində bir qadın və 3 uşağın meyitləri tapılıb.

Aktual.az APA-ya istinadən bildirir ki, bu barədə regionun Daxili İşlər Departamentinin mətbuat xidməti məlumat yayıb.

Qadının 1981-ci il təvəllüdlü, uşaqların isə 2-10 yaş arasında olduqları deyilir.

İlkin məlumata əsasən, ana əvvəlcə uşaqlarını asıb, sonra intihar edib. Onun hadisəni törətməsinin səbəbləri məlum deyil.

Məlumata əsasən, qadının əri də hadisədən sonra özünü öldürməyə cəhd göstərib.