Mayın 21-22-də Riqada keçiriləcək “Şərq Tərəfdaşlığı” sammitində Avropa İttifaqı (Aİ) tərəfindən rəsmi Kiyevə 1,8 milyard avro məbləğində maliyyə yardımı ayrılmasına dair müqavilə imzalanacaq.
APA-nın Latviyanın “Leta” agentliyinə istinadən verdiyi xəbərə görə, müvafiq sənədin imzalanması mayın 22-ə planlaşdırılıb.
Qeyd olunur ki, müqaviləni Avropa Komissiyasının sədr müavini, Latviyanın sabiq baş naziri Valdis Dombrovskis, Ukraynanın maliyyə naziri Natalya Yaresko və Ukrayna Milli Bankının sədri Valeriya Qontareva imzalayacaqlar.
Aktual.az
