Adamın namazı səfərdə qəzaya qalırsa, vətənə qayıtdıqdan sonra həmin qəzaları tam qılmalıdır yoxsa qəsr şəklində?

Aktual.az  islam.az-a istinadən bildirir ki, İslamda ibadətlər öz real vaxtına və şəraitinə görə həyata keçirilir. İbadətlər vaxtında yerinə yetirilmirsə, onların qəzaları da əda vaxtında olduğu kimi icra olunur. Yəni ibadətlərin qəzasının hökmü ədasının hökmü ilə eynidir. Əgər insan səfərdə namazını qəzaya vermişsə, vətənə qayıtdıqdan sonra da onları qəsrlə (dörd rükətləri iki rükət şəklində) qəza etməlidir. Əksinə, əgər insan vətəndə namazını qəzaya vermişsə və səfər zamanı həmin qəzanı qılmaq istəyirsə, bütöv şəkildə qılmalıdır.