Ağdam rayon Əfətli kəndində piyada əleyhinə mina (PMN) aşkar edilib.

Bu barədə  Azərbaycan Respublikası Ərazilərinin Minalardan Təmizlənməsi üzrə Milli Agentlikdən (ANAMA) məlumat verilib.

Ağdam rayonu Mahrızlı kəndində əkin sahəsində 3 partlayış yerinə baxış keçirilsə də, partlamamış hərbi sursat aşkar edilməyib.

Rayonun Əfətli kəndində isə əkin sahəsində 1 ədəd piyada əleyhinə mina (PMN) aşkar edilib. Minanın daşınması mümkün olmadığına görə, yerində zərərsizləşdirilib.

Tərtər rayonu Çaylı kəndində əkin sahəsində 5 partlayış yerinə baxış keçrilib, partlamamış hərbi sursat aşkar edilməyib.

Ümumilikdə 12 iyul tarixində 3 əkin sahəsində 8 partlayış yerinə baxış keçrilib, 1 ədəd piyada əleyhinə mina (PMN) aşkar edilərək zərərsizləşdirilib. Nəticə etibarilə gün ərzində 14 500 kv.m ərazi təmizlənib.