İraqda ABŞ Hərbi Hava Qüvvələrinə məxsus təyyarə qəzaya uğrayıb.

AzVision.az `Reuters`-ə istinadən xəbər verir ki, hadisə baş verən zaman təyyarənin göyərtəsində dörd ekipaj üzvü olub.

Hadisə şənbə günü baş versə də, bu barədə məlumat bu gün yayılıb. Təyyarənin qəza enişi etməsindən sonra ABŞ Hərbi Dəniz Qüvvələrinə məxsus helikopterlər hadisə yerindən pilotları təxliyə edə bilib.

Hadisə nəticəsində təyyarənin pilotlarına zərər dəyməyib.

Qeyd edək ki, ABŞ Hərbi Hava Qüvvələri İraq və Suriyada İraq və Şam İsam Dövləti (İŞİD) terror təşkilatına qarşı mübarizə aparır.