APA-nın Şəki-Zaqatala bürosunun məlumatına görə, əfv sərəncamı Penitensiar Xidmətin Şəkidə yerləşən Cəzaçəkmə Müəssisəsində 14 məhkuma şamil edilib. Onlardan 1989-cu il təvəllüdlü Cəfərov Cəfər Pənah oğlu İsmayıllı hadisələrinə görə məhkum olunub.

Əfv olunanlardan daha bir məhkumun isə 80 yaşı var. 1937-ci il təvəllüdlü Məmmədov Məmmədiyə Seyid oğlu qətldə təqsirləndirilərək Şəki Ağır Cinayətlər Məhkəməsinin 2013-cü il 23 may tarixli hökmü ilə məhkum edilib.