Sertifikasiya imtahanlarının nəticələrinə uyğun olaraq 4 mindən çox ibtidai sinif müəllimi ilə imzalanmış müqaviləyə xitam verilib.
Bu sözləri Aktual.az-a Kamran Əsədov sertifikasiya imtahanlarının yekunu ilə bağlı danışarkən deyib.
O bildirib ki, riyaziyyat və ingilis dili ilə bağlı keçirilən imtahanların nəticələri isə gözləniləndən daha yuxarıdır:
"Diaqnostik imtahandan sonra gözlənilirdi ki, riyaziyyat və ingilis dilindən kəsilmələrin sayı digər fənlərlə müqayisədə daha çox olacaq. Amma əksinə, kifayət qədər müəllim maksimum bal topladı. Ümumilikdə sertifikasiya imtahanının gedişini qənaətbəxş hesab edirik. İmtahanlarda 51-dən yuxarı bal toplayan müəllimlər 35 faiz, 30-50 arası toplayanlar isə 10 faiz əlavə əmək haqqı alacaqlar”.