Taliban üzvləri Əfqanıstanın Qəznə vilayətində həbsxanaya hücum edib.
Aktual.az Axar.az-a istinadən xəbər verir ki, dörd polisin ölümü ilə nəticələnən hücum zamanı terrorçular 350-ə yaxın məhkumu sərbəst buraxıb.
Əfqan rəsmilərin məlumatına görə, həbsxanadan qaçan terrorçuların təxminən yarısı keçmiş Talibanın üzvü olub.
Taliban sözçüsü Zəbihullah Mücahid həbsxanaya edilən hücumla bağlı açıqlama yayıb. Onun sözlərinə görə, həbsxanadakı 400 məhkumun hamısı sərbəst buraxılıb, təhlükəsizlik qüvvəsinin 40 üzvü isə öldürülüb.
