Bu günə kimi 24 413 abituriyent ali təhsil müəssisələrinə ixtisas seçimi edib.

Tələbə Qəbulu üzrə Dövlət Komissiyasından  verilən məlumata görə, onlardan 22126 nəfəri Azərbaycan, 2287 nəfəri isə rus bölməsinin məzunlarıdır.

İxtisas seçimi ediən abituriyentlər arasında I ixtisas qrupunu seçənlər liderlik edir. Belə ki, 9036 abituriyent I ixtisas qrupu, 6932 abituriyent II ixtisas qrupu, 6308 abituriyent III ixtisas qrupu, 2137 abituriyent isə IV ixtisas qrupu üzrə seçimlərini ediblər. 

Qeyd edək ki, 2016-2017-ci tədris ili üçün I-IV ixtisas qrupları üzrə keçirilən qəbul imtahanlarında 78 545 abituriyent iştirak edib və onlardan 34 385 nəfər (43,8%) 200-dən yuxarı bal toplayaraq ixtisas seçimində iştirak hüququ qazanıb. Ali təhsil müəssisələrinə ixtisas seçimi iyulun 29 başlayıb və avqustun 10-u saat 23:59-da başa çatacaq. İxtisas seçimi etməyən abituriyentlər müsabiqəyə buraxılmayacaq.