Argentina millisinin sabiq futbolçusu Dieqo Perotti karyerasını bitirib.
Aktual.az xəbər verir ki, 36 yaşlı vinger bu barədə sosial şəbəkə hesabında yazıb.
Yarımmüdafiəçinin peşəkar karyerasındakı son klubu "Salernitana" (İtaliya) olub.
Qeyd edək ki, D.Perotti İspaniyada "Sevilya", Argentinada "Boka Xuniors", İtaliyada "Cenoa" və "Roma", Türkiyədə "Fənərbağça" kimi klubların da formasını geyinib.

2018-ci ildə yığma karyerasını bitirən futbolçu ölkəsinin əsas komandasının heyətində 5 matçda meydana çıxıb.