ABŞ-da bir polis zabiti həbs edilib.
Bu haqda məlumatı Reuters agentliyi yayıb.
Həbs edilən 33 yaşlı Maykl Sleyqer qaradərilini öldürməkdə ittiham edilir.
Onun həbsi qətl haqqında çəkilən videoya baxışdan sonra reallaşıb.
Videodan bəlli olub ki, polis əməkdaşı stop siqnalı işləməyən avtomobili saxlayıb. Bu zaman sürücü yerə düşərək qaçmağa başlayıb. Maykl isə ona 8 dəfə atəş açıb.
Polis zabiti bu olayı belə izah edib: “O, silahını çıxarıb mənə tərəf güllə atmaq istəyirdi”.
Video isə polisin dediklərini yalana çıxarır. Qaradərilinin həmin vaxt silahı olmayıb.(AZNEWS.AZ)
