57 kq çəki dərəcəsində mübarizə aparan sərbəst güləşçimiz Hacı Əliyev mübarizəyə 1/8 finaldan start verib.
Aktual.az AzNews.az-a istinadən xəbər verir ki, təmsilçimizin ilk rəqibi cənubi koreyalı Yunsik Yun olub. Mircəlal Həsənzadənin əvəzinə Rioya yollanan 2 qat dünya çempionumuz ilk hissəni 8:2 hesabı ilə bitirib. Həmyerlimiz yekunda 12:2 hesablı qələbə qazanıb.
Hacı Əliyev 1/4 finalda Gürcüstan idmançısı Vladimir Xinçeqaşvili ilə qarşılaşacaq. Görüş saat 18:04-də start götürəcək.
