Aktual.az (Region TV) Kanal S-ə istinadən xəbər verir ki, ötən gün axşam saatlarında Şəkinin Öyrət kəndində yanğın hadisəsi baş verib. Sahədə başlayan yanğın zamanı 10 ha biçilmiş taxıl sahələri yanıb.
Hadisə yerinə dərhal FHN-in Şəki Yanğından Mühafizə Hissəsinin 2 yanğınsöndürən maşını cəlb edilib. Hava şəraitinin küləkli olması yanğının əhatə dairəsini genişləndirib. Təxminən 5 saatdan sonra yanğın tam söndürülüb və yanğının biçilməmiş taxıl sahələrinə keçməsinin qarşı alınıb.
