Tovuzda şəhid Orxan Hümmətova həsr olunmuş "Qızılqaya qartalı" kitabının təqdimatı keçirilib – FOTO

Tovuzda şəhid Orxan Hümmətova həsr olunmuş

Tovuz rayonunda şəhid zabitimiz Orxan Hümmətova həsr olunmuş "Qızılqaya qartalı" kitabının təqdimatında kitabın ön sözünün müəllifi və kitabın çapına dəstək göstərmiş Avrasiya Beynəlxalq Araşdırmalar İnstitutu İB-nin rəhbəri, millət vəkili Qənirə Paşayeva çıxış edib və gənclərimizi qəhrəman şəhidlərimizin vətənpərvərliyindən örnək almağa çağırıb.

 

Tovuzun Qaraxanlı kəndində böyüyüb, boya-başa çatmış şəhid zabitimiz Orxan Hümmətova həsr edilmiş və şair-publisistlər Çingiz Qəribli ilə Ramiz Çıraqlı tərəfindən qələmə alınmış "Qızılqaya qartalı” kitabının Tovuz rayonununda təqdimatı keçirilib. Kitabda zabit Orxan Hümmətovun həyat yolundan bəhs edən sənədli povest və xatirələr toplanıb. Tədbirdə Tovuz rayon İcra Hakimiyyətinin başçısı Məmməd Məmmədov, Dini qurumlarla İş üzrə Dövlət Komitəsinin sədri Mübariz Qurbanlı, kitabın ön sözünün müəllifi Avrasiya Beynəlxalq Araşdırmalar İnstitutu İB-nin rəhbəri, millət vəkili Qənirə Paşayeva, kitabın müəllifləri,şəhidin ailə üzvləri, rayon ictimaiyyətinin nümayəndələri iştirak edib. Tədbir şəhidlərimizin xatirəsinin bir dəqiqəlik sükutla anılması ilə başlayıb. Tədbirdə çıxış edən Tovuz rayon İcra Hakimiyyətinin başçısı M.Məmmədov şəhid zabitimiz O.Hümmətov haqqında fikirlərini bölüşüb, dövlətimizin, cənab Prezident İlham Əliyevin və 1-ci vitse-prezident Mehriban Əliyevanın hər zaman şəhid ailələrinə göstərdiyi diqqət və qayğıdan danışıb və bu cür tədbirlərin gənclərimiz üçün önəmini xüsusi vurğulayıb. Şəhid zabitimiz Orxan Hümmətova həsr olunmuş "Qızılqaya qartalı" kitabının təqdimatında kitabın ön sözünün müəllifi və kitabın çapına dəstək göstərmiş Avrasiya Beynəlxalq Araşdırmalar İnstitutu İB-nin rəhbəri, millət vəkili Q.Paşayeva çıxış edərək şəhid zabitimiz O.Hümmətovu yaxından tanıdğını, onun hərbi məktəbə böyük həvəs və istəklə daxil olması, yaxşı hərbçi olmaq üçün daim öz üzərində çalışması, işğal altında olantorpaqlarımızın işğaldan azad edilməsində iştirak etmək istəyi, ən böyük arzusunun torpaqlarımızın işğaldan azad görməkolması, keçdiyi həyat yolu barədə geniş danışıb, gənc nəsillərimizin bu cür qəhrəman şəhidlərimizi yaxından tanımaları üçün bu cür kitabların və tədbirlərin keçirilməsinin əhəmiyyətini xüsusi vurğulayıb. Kitabın müəlliflərinə təşəkkürünü bildirən Avrasiya Beynəlxalq Araşdırmalar İnstitutu İB-nin rəhbəri, millət vəkili Q.Paşayeva bu cür kitabların nəşrinə və təbliğinə dəstək verməyimiz bizim vəzifəmizdir deyib.Millət vəkili Q.Paşayeva bildirdi ki, şəhid zabitimiz O.Hümmətovun şəhid olduqdan sonra ailəsini ziyarəti, görüşü zamanı ondan şəhidimiz haqqından kitabın yazılması və anım tədbirinin keçirilməsi xahişi edilmişdir: "Biz o zaman söylədik ki, Vətənimizin tarixi və insanlarımızın qəlbində yaşayacaq bütün dəyərli şəhidlərimiz, o cümlədən Orxan Hümmətov heç bir zaman unudulmayacaq, onun haqqında kitab yazılacaq və anım tədbiri keçiriləcəkdir", - millət vəkili dedi. Tovuz rayon icra hakimiyyətinə, Gənclər evinə və özəlliklə bu tədbirdə iştirak edən Dini Qurumlarla İş üzrə Dövlət Komitəsinin sədri Mübariz Qurbanlıya təşəkkürünü bildirən millət vəkili Q.Paşayeva bu kitabın məktəblərə, gənclər evlərinə, kitabxanalara pulsuz təqdim ediləcəyini deyib və bu kitabın insanlarımız, özəlliklə gənclrimizdə vətənpərvərlik duyğusunun güclənməsinə öz kiçik töhfəsini verəcəyinə inandığını deyib. Millət vəkili Q.Paşayeva bildirib ki, hər bir azərbaycanlının, o cümlədən torpaqlarımızın işğaldan azad edilməsi uğrunda şəhid olan dəyərli şəhidlərimizin ən böyük arzusu işğal altında olan bütün torpaqlarımızın işğaldan azad edilməsidir. İnşallah bu kimi tədbirləri Ali Baş Komandan cənab Prezident İlham Əliyevin rəhbərliyi altında işğaldan azad edəcəyimiz Dağlıq Qarabağda, Şuşada, Xankəndində və digər gözəl guşələrimizdə keçirəkdeyib. Dövlət başçımızın və ölkəmizin Birinci vitse-prezidenti Mehriban Əliyevanın şəhid ailələrimizə göstərdiyi diqqət və qayğını xüsusi vurğulayan deyən millət vəkili Q.Paşayeva hər zaman sizin yanınızdayıq, bütün Azərbaycan üçün siz çox dəyərlisiniz deyib. Tədbirdə iştirak edən Dini Qurumlarla İş üzrə Dövlət Komitəsinin sədri M.Qurbanlı çıxış edərək Ali Baş Komandan cənab Prezident İlham Əliyevin rəhbərliyi altında ordumuzun güclənməsi, torpaqlarımızın işğaldan azad edilməsi istiqamətində görülən işlər barədə geniş danışıb, gənclərimiz arasında vətənpərvərlik ruhunun güclənməsi istiqamətində bu kimi tədbirlərin keçirilməsinin əhəmiyyətini qeyd edib, rəhbərlik etdiyi qurumun hər zaman bu kimi tədbirlərin, layihələrin həyata keçirilməsinə dəstək olduğunu və dəstəkgöstərməyə hazır olduğunu qeyd edib. Kitabın həmmüəlliflərindən olan şair-publisist Ramiz Çıraqlı çıxış edərək bu cür tədbirin keçirilməsinə dəstək göstərilməsinə görə təşəkkürünün bildirib və dəyərli şəhidlərimiz haqqında kitabların yazılması istiqamətində işləri davam etdirəcəklərini bildirib. Tovuz rayon Ağsaqqallar Şurasının sədri İsa Cavadov, rayon Qarabağ müharibəsi əlilləri, şəhid ailələri ictimai birliyinin sədri Əli Əliyev çıxış edərək bu kimi tədbirlərin keçirilməsinin önəmi ilə bağlı fikirlərini bölüşüblər. Şəhid zabitimiz Orxan Hümmətovun atası Bayram Hümmətovçıxış edərək belə bir kitabın yazılması və tədbirin keçirilməsinəgörə təşəkkürünü bildirib, Vətənimiz üçün canından keçən oğlu ilə qürur duyduğunu deyib, hər zaman Vətənimiz üçün canından keçməyə hazır olduğunu deyib və şəhidimiz O.Hümmətovun son illər istifadə etdiyi qələmini millət vəkili Q.Paşayevaya hədiyyə edib. Tədbirdən sonra Tovuz rayon icra başçısı M.Məmmədov, Dini Qurumlarla İş üzrə Dövlət Komitəsinin sədri və millət vəkili Q.Paşayeva şəhid zabitimiz O.Hümmətovun ailə üzvləri ilə də görüşüblər. Qeyd edək ki, şəhid zabitimiz O.Hümmətova həsr olunan "Qızılqaya qartalı" Avrasiya Beynəlxalq Araşdırmalar İnstitutu İB, Regional Hüquqi və İqtisadi Maarifləndirmə İB və "CBS" nəşriyyatının dəstəyilə nəşr olunub.

Millət vəkili Q.Paşayevanın tədbirdə çıxış videosunun linkini burdan izləyə bilərsiniz.

https://www.youtube.com/watch?v=ZgevrPBjIFc








Xəbər 114 dəfə oxunub.

YAZARLARIMIZ

SEÇİLMİŞ

SON XƏBƏRLƏR