Qaynarinfo xəbər verir ki, Rusiyada Instagram-ın bloklanması bazar günü Uzaq Şərq regionlarından başlayıb və Moskva vaxtı ilə bazar ertəsi gecəsi başa çatıb.

Instagram.com saytına girişin məhdudlaşdırılması Rusiya Federasiyası Baş Prokurorluğunun 11 mart 2022-ci il tarixli tələbinə uyğun olaraq verilib. Bu, Rusiya mediasının məlumatına görə, Facebook və Instagram-ın bəzi ölkələrdə istifadəçilərə müvəqqəti olaraq Rusiya ordusuna qarşı zorakılıq çağırışı etməyə icazə verməsi xəbərindən sonra baş verib.

Bununla belə, VKontakte və Yandex öz istifadəçilərinin köməyinə gəlib və bloklanmış sosial şəbəkədən fotoşəkilləri yükləmək üçün xidmətlər yaradıblar.