2027-ci ildən etibarən Rusiyaya əcnəbi işçilərin hədəfli şəkildə cəlb edilməsi üçün pilot layihəyə başlanıla bilər.
Aktual.az xəbər verir ki, bu barədə "Kommersant” mənbələrə istinadən məlumat yayıb.
"Miqrant işçilər vətənlərində bütün zəruri yoxlamalardan keçəcək və müəyyən işəgötürənlər üçün işləmək məqsədilə Rusiyaya gedəcəklər. 2026-2030-cu illər üçün Miqrasiya Siyasəti Konsepsiyasının layihə planına əsasən, Daxili İşlər Nazirliyi, Əmək Nazirliyi, Federal Təhlükəsizlik Xidməti və Federal Vergi Xidməti tərəfindən 1 iyun 2026-cı il tarixinə qədər işə qəbul çərçivəsini müəyyən edən qanun layihəsi hazırlanacaq”, - məlumatda deyilib.