Rus ordusu sutka ərzində Donbasda böyük itkilər verdi

Rus ordusu sutka ərzində Donbasda böyük itkilər verdi

Gün ərzində ukraynalı müdafiəçilər Donbasda düşmənin 18 hücumunu dəf ediblər.

Aktual.az xəbər verir ki, bu barədə Ukrayna Silahlı Qüvvələrinin Baş Qərargahı öz Facebook səhifəsində məlumat yayıb.

"Yalnız Donetsk və Luqansk istiqamətlərində son sutka ərzində Ukrayna müdafiəçiləri düşmənin on səkkiz hücumunu dəf edib, on üç tankı, səkkiz artilleriya sistemini, iyirmi yeddi ədəd zirehli döyüş maşını, iki ədəd xüsusi mühəndis texnikası və beş düşmən texnikasını məhv ediblər”, - məlumatda bildirilir.

Ötən gün Quru Qoşunları, Hərbi Hava Qüvvələri və Hava Hücumu Qüvvələrinin hava hücumundan müdafiə bölmələri yeddi hava hədəfini vurub: beş Orlan-10 tipli PUA, bir Ka-52 helikopteri və bir qanadlı raket.

Hərbi Hava Qüvvələrinin aviasiyası müəyyən istiqamətlərdə düşmənə havadan atəş zərbələri endirməkdə və qoşun bölmələrinin döyüş əməliyyatlarına dəstək verməkdə davam edib.

UNİAN-ın daha əvvəl xəbər verdiyi kimi, Xerson vilayəti ərəfəsində Ukrayna Silahlı Qüvvələri düşmənin silah-sursat anbarını məhv edib. Rusiya "Smerç”ləri üçün mərmi ehtiyatının üstünə düşən raket isə hərbi drondan atılıb.
 
Xəbər 493 dəfə oxunub.

YAZARLARIMIZ

SEÇİLMİŞ

SON XƏBƏRLƏR