Dəniz külək enerjisi qlobal quraşdırılmış gücünün 2040-cı ildə 560qiqavata qədər artması və sektora qoyulan investisiyaların 1 trilyon dollara çatması gözlənilir.
"Report” xəbər verir ki, bu barədə Beynəlxalq Enerji Agentliyinin (IEA) "Offshore külək enerjisi görüntüsü 2019" hesabatında məlumat verilib.
Məlumata görə, mövcud "offshore” külək enerji qurğularının 80%-nə sahib olan Avropa, inkişafın mərkəzi olmağa davam edəcək. Avropada 2018-ci ildə 20 qiqavat gücündə olan dəniz külək enerjisi gücü 2040-cı ildə 130 qiqavata çatacaq.
Digər tərəfdən, Avropa "sıfır karbon" hədəflərinə çata bilsə, quraşdırılmış külək gücünü 2040-cı ilə qədər 180qiqavata qədər artıra biləcək.
Hazırda quraşdırılmış külək enerjisində 4 qiqavat gücə sahib olan Çin, 2040-cı ildə bu rəqəmi 110 qiqavata çatdıraraq, Avropa ilə birlikdə dünya külək enerjisinin 60%-nə sahib olacaqlar. Onları ABŞ, Yaponiya kimi inkişaf etmiş ölkələr izləyəcək.
Xatırladaq ki, "offshore” külək enerjisinin hazırda 0,3%-ni təşkil edən qlobal elektrik istehsalındakı payı 2040-cı ildə 3%-ə çatacaq.
Xəbər 343 dəfə oxunub.
