APA-nın Moskva müxbirinin xəbərinə görə, Kremlin mətbuat katibi Dmitri Peskov Rusiya Prezidenti Vladimir Putinlə onun türkiyəli həmkarı Rəcəb Tayyib Ərdoğan arasında martın 5-də ikitərəfli görüşün keçiriləcəyini təsdiqləməyib.
"Hələlik söhbət martın 5-də Putinlə Ərdoğan arasında ikitərəfli görüşdən getmir, çoxtərəfli formatda görüş razılaşdırılır”, - deyə D. Peskov vurğulayıb.
Qeyd edək ki, Türkiyə Prezidenti R.T. Ərdoğan Bakıya səfəri öncəsi keçirdiyi mətbuat konfransında martın 5-də rusiyalı həmkarı ilə görüşə biləcəyini açıqlayıb.