“Heydər Əliyev və Azərbaycan tarixi” mövzusunda keçirilən referat müsabiqəsinə yekun vurulub – FOTO

 “Heydər Əliyev və Azərbaycan tarixi” mövzusunda keçirilən referat müsabiqəsinə yekun vurulub – FOTO

Aprel ayının 10-da Nəsimi rayonu 8 nömrəli tam orta məktəbdə Bakı Şəhər İcra Hakimiyyətinin təşəbbüsü ilə "Heydər Əliyev və Azərbaycan tarixi” mövzusunda referat müsabiqəsinin yekun mərhələsi keçirildi.


Tədbirdə Bakı Şəhər İcra Hakimiyyəti başçısı Aparatının İctimai-siyasi, humanitar məsələlər və dini qurumlarla iş şöbəsinin müdiri Elmin İmanov, Nəsimi rayon İcra Hakimiyyəti başçısının birinci müavini Gülarə Verdiyeva, Nəsimi rayon məktəb direktorları, tarix müəllimləri və şagirdlər iştirak edib.

Qonaqlar ilk öncə müsabiqənin təqdim etdiyi beş mövzu üzrə məktəblilərin hazırladıqları sərgi – təqdimat ilə yaxından tanış oldular.

Daha sonra Nəsimi rayon İcra Hakimiyyəti başçısının birinci müavini Gülarə Verdiyeva çıxış edərək Azərbaycan xalqı, Azərbaycan gəncliyi var olduqca Ümummili lider Heydər Əliyev ideyalarının da var olacağına əminliyindən bəhs etdi.

Tədbirdə çıxış edən Bakı Şəhər İcra Hakimiyyəti başçısı Aparatının İctimai-siyasi, humanitar məsələlər və dini qurumlarla iş şöbəsinin müdiri Elmin İmanov Heydər Əliyevin siyasi obrazının Azərbaycan xalqının dövlətçilik şüurunun, tarixin sınağından şərəflə çıxmış bütöv bir idarəçilik məktəbinin, müasir ictimai-siyasi fikrin ən davamlı keyfiyyətlərinin canlı mənzərəsi olduğunu bildirdi.


Tədbirdə layihənin məqsədi haqqında qonaqlara geniş məlumat verilərək komissiya tərəfindən ümumilikdə 5 mövzu üzrə 70-dən çox elmi işdən seçilmiş 10 ən yaxşı referat - məktəblilərin hazırladığı təqdimatlar təqdim edildi.
Sonda Bakı şəhəri üzrə keçiriləcək geniş elmi-praktik konfransda iştirak hüququ qazanan məktəblilərə, müsabiqənin keçirilməsində yaxından iştirak edən tarix müəllimlərinə Fəxri Fərmanlar və müsabiqədə fəal iştirak edən məktəblilərə isə Təşəkkürnamələr təqdim olundu.
















Xəbər 66 dəfə oxunub.

YAZARLARIMIZ

SEÇİLMİŞ

SON XƏBƏRLƏR