BMT-nin Ərzaq və Kənd Təsərrüfatı Təşkilatı (FAO) gələn ay Azərbaycanda 2 yeni layihənin icrasına başlamağı planlaşdırır.
Bu barədə "Report”a FAO-nun Azərbaycandakı Tərəfdaşlıq və Əlaqələndirmə Ofisinin rəhbəri Mələk Çakmak məlumat verib.
"Layihələrdən biri pestisidlərin təhlükəsiz şəkildə saxlanılması ilə bağlıdır. Regionlarda həyata keçiriləcək bu layihənin büdcəsi 8,6 mln ABŞ dolları təşkil edir. Onun iştirakçıları arasında Azərbaycanla yanaşı, Türkiyə, Qırğızıstan və Tacikistan da var. Buna görə də, layihənin icrası üçün koordinasiya mexanizmi formalaşdırılacaq. FAO-nun icra edəcəyi digər layihə isə baytarlıq laboratoriyasının texniki tutumunun artırılmasıdır. Hazırda bu istiqamətdə son mərhələdədir”.
