Aktual.az Report-a istinadla xəbər verir ki, bunu Türkiyə Prezidenti Rəcəb Tayyib Ərdoğan meşə yanğınlarının söndürülməsi istiqamətində görülən işlərdən danışarkən bildirib.

"Bütün imkanlarımızı səfərbər etmişik. Dünyada ən güclü yanğınsöndürənlər heyətinə sahibik. Bəziləri iddia edirlər ki, Türkiyə Milli Aviasiyasının təyyarəsi var və s. Guya ondan istifadə etməmişik. Təyyarə filan yoxdur. Bunlar bilmədiklərini danışar, uydurarlar.

Hazırda yanğınların söndürülməsinə 45 helikopterimiz və 5-6 təyyarəmiz cəlb olunub. Ukrayna və Rusiyadan təyyarələr gəlir. Azərbaycan da bir təyyarə göndərəcək. Bunların sayı 6-7-yə çatacaq. Bu təyyarələr vasitəsi ilə yanğının tezliklə söndürüləcəyi gözlənilir”, - dövlət başçısı vurğulayıb.