Bakı şəhərində 35-40 yaşlarında naməlum kişi meyiti aşkar olunub.
Aktual.az xəbər verir ki, ANS TV-nin məlumatına görə, 24 iyul 2015-ci il tarixdə saat 16:20 radələrində Bakı şəhəri, Nizami rayonu, Cəmşid Naxçıvanski küçəsi, 29 ünvanının qarşısında yerləşən 264 saylı uşaq bağçasının həyətində təxminən 35-40 yaşlarında naməlum kişi meyiti aşkar olunub.
Meyitin əlamətləri: boyu 175 sm, sarışın qısa saçlıdır. Əynində narıncı rəngli qısa qol köynək, qara şalvar və qara ayaqqabı olub.
Bu şəkildə gördüyünüz həmin şəxsi tanıyanlardan və ya onunla bağlı hər hansı məlumatı olanlardan 012-422-12-29 şəhər, 055-459-21-24 mobil nömrəsinə zəng vurmaqla məlumat vermələri xahiş olunur.
