"Report” bu barədə Dövlət Statistika Komitəsinə istinadən xəbər verir.
Gecələmələrin 58%-i Bakıda, 9,7%-i Qəbələdə, 8,6%-i Qusarda, 4,8%-i Naftalanda, 3,8%-i Naxçıvan MR-da, 3,7%-i Qubada, 1%-i Gəncədə, hər birində 0,8% olmaqla Lənkəranda və Masallıda, hər birində 0,5% olmaqla Tovuzda və Qazaxda, 7,8%-i isə digər rayonlardakı (şəhərlərdəki) mehmanxanalarda qeydə alınıb.
Əcnəbilər və vətəndaşlığı olmayan şəxslər tərəfindən keçirilən gecələmələrin sayı 439,8 min təşkil edib ki, bu da ümumi gecələmələrin 75,1%-ini təşkil edir. Gecələmələrin 18,3%-i Birləşmiş Ərəb Əmirlikləri (BƏƏ) vətəndaşları, 14%-i Rusiya vətəndaşları, 9,4%-i İran vətəndaşları, 4,9%-i Türkiyə vətəndaşları, 4,4%-i ABŞ vətəndaşları, 3,7%-i Qətər vətəndaşları, 3,3%-i Böyük Britaniya vətəndaşları, 3,1%-i Küveyt vətəndaşları, 1,6%-i Ukrayna vətəndaşları, 1,5%-i Almaniya vətəndaşları, 0,8%-i İtaliya vətəndaşları, 0,7%-i Gürcüstan vətəndaşları, 34,3%-i digər ölkələrin vətəndaşlarının payına düşüb.
Cari ilin birinci rübündə mehmanxanaların gəlirləri 73,1 miln. manat olub ki, onun 64,5%-i nömrələrin (otaqların) təqdim olunması üzrə xidmətlərdən, 23,5%-i içkilər də daxil olmaqla qida məhsullarının satışı üzrə xidmətlərdən, 4,9%-i müalicə və sağlamlıq xidmətlərindən, 7,1%-i isə digər xidmətlərin göstərilməsindən əldə edilib.
Mehmanxanaların nömrə fondundan istifadə səviyyəsinin orta göstəricisi ölkə üzrə 20% təşkil edib. Bu göstərici Naftalanda 52%, Bakıda 32,1%, Qusarda 24,2%, Qəbələdə 22,9%, Qubada 21,7%, Naxçıvan MR-da 9,1%, Lənkəranda 7,6%, Şəkidə 6,5%, Şamaxıda 4,2%, Gəncədə 2,8%, Qaxda 2,5%, digər şəhər və rayonlarda isə 2,5%-dən aşağı olub.