Azərbaycanda elektron xidmət növlərinin siyahısı genişləndirilib

Azərbaycanda elektron xidmət növlərinin siyahısı genişləndirilib

Azərbaycan Nazirlər Kabineti "Mərkəzi icra hakimiyyəti orqanları və Azərbaycan Respublikasının Prezidenti tərəfindən yaradılan publik hüquqi şəxslər tərəfindən konkret sahələr üzrə elektron xidmətlər göstərilməsi Qaydaları"nda və "Elektron xidmət növlərinin Siyahısı"nda dəyişiklik edib.

Aktual.az Report-a istinadən bildirir ki, dəyişikliklə bağlı qərarı Baş nazir Novruz Məmmədov imzalayıb.

Qərarla bələdiyyələr tərəfindən təqdim edilən rüblük maliyyə məlumatlarının, kommersiya təşkilatları və publik hüquqi şəxslər tərəfindən təqdim edilən maliyyə hesabatlarının və birləşdirilmiş (konsolidə edilmiş) maliyyə hesabatlarının, qeyri-hökumət təşkilatları, habelə xarici dövlətlərin qeyri-hökumət təşkilatlarının filial və nümayəndəlikləri tərəfindən təqdim edilən illik maliyyə hesabatlarının və qiymətli metallar və qiymətli daşlarla, onlardan hazırlanan zərgərlik və digər məişət məmulatları ilə əməliyyatlar həyata keçirən hüquqi və fiziki şəxslər tərəfindən təqdim edilən statistik hesabatların qəbulu Maliyyə Nazirliyi tərəfindən elektron qaydada həyata keçiriləcək.
 
Aktual.az
Xəbər 504 dəfə oxunub.

YAZARLARIMIZ

SEÇİLMİŞ

SON XƏBƏRLƏR