Ötən 10 il ərzində Azərbaycanda elektrik enerjisi sahəsində itkilərin həcmi 22,5%-dən 10,5%-ə enib.
Aktual.az "Report”a istinadən xəbər verir ki, bunu jurnalistlərə Azərbaycan Energetika naziri Pərviz Şahbazov deyib.
O qeyd edib ki, bu müddət ərzində Azərbaycanda elektrik enerjisi istehsalı 18% artıb: "Azərbaycan artıq elektrik enerjisinin ixracatçısına çevrilib. Ötən 10 ildə bu sahədə 78% artım olub.. Ötən illə müqayisədə bu ilin ilk 9 ayında elektrik enerjisinin hasilatı 3,9% artıb. Növbəti illər üçün yəni 2020 və 2021-ci illərdə müvafiq olaraq 8 və 10%-lik artım gözlənilir".
Nazir, həmçinin xatırladıb ki, dövlət başçısının tapşırığı ilə ölkə üzrə energetika sektorunun uzunmüddətli inkişaf strategiyası hazırlanır və yeni strategiya bütün enerji sektorunu əhatə edəcək.
Xəbər 1283 dəfə oxunub.
