Milli.Az xəbər verir ki, xalq artisti Aygün Kazımovanın səhnə fəaliyyətinin 30 illiyinə həsr olunan möhtəşəm solo konsert keçirilib. Reytinqləri alt-üst edən mahnılar, illərdir dillərdən düşməyən parçalar, ürəkləri fəth edən yaradıcılıq...
Səhnəyə həyat qatan o və həyatına səhnə gətirən bizlər həmin gün xalqın artisti Aygün Kazımovanın Azərbaycanın şou tarixini sıfırlayıb yeni məzmunla biçdiyinin şahidi olduq! Qaçırılmaz bir məqam idi.
Konserti dünya şöhrətli fransalı xoreoqraf Reda Bentefurun rəhbərliyi ilə beynəlxalq komanda ərsəyə gətirib. 30 ili bir günə sığdırılıb. Pop Diva həyatının ən təntənəli şousu ilə Azərbaycanda ilk dəfə Kristal Hall səhnəsində çıxış edib.