Yaxın 5 ildə qlobal fərdi kompüter qurğuları bazarında mənfi dinamika saxlanılacaq. "IDC" tədqiqat şirkətinin yenilənmiş qiymətləndirməsinə görə, 2019-dan 2023-cü ilədək ənənəvi fərdi kompüter və planşetlərin tədarükü orta hesabla 2,4% azalacaq. Eyni zamanda proqnoza görə hibrid qurğuların tədarükü 5% yüksələcək.
Aktual.az ictnews.az-a istinadən bildirir ki, 2019-cu ildə fərdi kompüter qurğularının tədarükü 402,2 milyon səviyyəsində gözlənilir və gələn il bu göstəricinin 400 milyondan az olacağı gözlənilir. Proqnoz doğru olduğu halda belə zəif göstərici 2010-cu ildən bəri ilk dəfə qeydə alınacaq.
Ən böyük azalma (orta hesabla 10,1%) noutbuk və mobil işçi stansiyalar kateqoriyasında gözlənilir. 2019-cu ildə bu qurğuların tədarükü 73 milyona yaxınlaşacağı halda, 2023-cü ilin sonuna bu göstərici 47,7 milyon təşkil edəcək. "IDC" analitik şirkəti hesab edir ki, 2023-cü ildə ənənəvi noutbuklar və mobil işçi stansiyaların bazar payı 13% olacaq.
Planşet kateqoriyasında, həmçinin azalma proqnozlaşdırılır. Ənənəvi planşetlərin tədarükü 116-dan 93,8 milyonadək azalacaq və fərdi kompüter qurğuları bazarında onların payı 28,8%-dən 25,6%-dək azalacaq.
Xəbər 339 dəfə oxunub.
