Aktual.az axşam.az-a istinadən bildirir ki, sosial şəbəkədə məsələ ilə bağlı müzakirələr aparılıb. Bəzi yerlərdə isə onun fikirləri yanlış yazılaraq, başlıqda öz övladı dünyasını dəyişmiş kimi verilib.

Xəbərdən əsəbiləşən X.Hidayətqızı qarğış edib: "Ey bu başlığı yazan insan!!! Sənin ailən, anan, atan, bacın, qardaşın varmı? Varsa, bu xəbərə başlığı hansı vicdanla yazırsan?! Bilirsənmi, bu başlığı bu gün oxuyub halı pisləşən nə qədər yaxınım olub? Bəli, "Xoşqədəm Hidayətqızı” adı reytinqdir, milyonlarla oxucu deməkdir... Amma daha bu cür başlıqla onun yaxınlarına, ailəsinə acı yaşadacaq halda yox.

Yazıqlar olsun! Bu cür başlıqları yazaraq bu gün mənim ailəmə həyəcan, qorxu hissi yaşadanlar, bu hadisə sizin başınıza həqiqətən gəlsin və ailəniz, yaxınlarınız mənim ailəmin bu gün yaşadıqlarını yaşasın. Məni bu bəddua üçün kimsə qınamasın. Bu gün övladım yanımda olmasaydı, bəlkə, mənim də bu başlığı oxuyub ürəyim dayanacaqdı. Ona görə də bu duaya görə kimsə məni qınamasın”.

 

Aktual.az