Publika.az xəbər verir ki, Amerika mediası hakimiyyətə gəldiyi gündən bu günə kimi prezident Trampın fəaliyyətini dəyərləndirib. Məlum olub ki, Tramp ABŞ prezidenti seçilən gündən 1628 yalan və qeyri-dəqiq bəyanat verib.
Noyabr ayının 14-nə qədər, 298 gün prezident postunda olan D.Tramp, orta hesabla gün ərzində 5,5 yalan ifadələrlə çıxış edib.
Jurnalistlər iddia edir ki, o, səlahiyyətlərini qeyri-peşəkarcasına yerinə yetirməyə davam edərsə, cari ilin sonuna qədər yalan bəyanatların sayı 2 mini keçəcək. Nəzərə alsaq ki, prezidentlik müddəti qanunla 4 il təyin edilir bu rəqəm artaraq 8 min təşkil edəcək.
Sözügedən məqalənin yayımlandığı "The Washington Post” nəşri qeyd edir ki, məqalə Donald Trampın yenilənən bəyanatlarının ümumi bazası əsasında hazırlanıb. Hesablamaların nəticəsinə əsasən, prezident Trampın ABŞ-da işsizlik səviyyəsinin azalması, vergi, fond bazarı və sabiq prezident Barak Obamanın təsis etdiyi "Obamacare” səhiyyə proqramı haqqında danışarkən səhvlər buraxdığı qeydə alınıb.