Əmək və əhalinin sosial müdafiəsi naziriSəlim Müslümov “Günəşli” yatağının 10-cu dərin dəniz özülündə baş vermiş yanğın və qəza nəticəsində xəsarət alanlara Mərkəzi Neftçilər Xəstəxanasında baş çəkib.
APA-nın hazırda xəstəxanada olan əməkdaşının verdiyi məlumata görə, S. Müslümov xəstələrin səhhəti ilə maraqlanıb, həkimlərdən məlumat alıb.
Qeyd edək ki, səhiyyə naziri Oqtay Şirəliyev də xəstələrə baş çəkib.
Xatırladaq ki, qəzada xəsarət almış 8 nəfər hazırda Mərkəzi Neftçilər Xəstəxanasındadır. Onların vəziyyətləri qənaətbəxşdir.
