AzNews.az xarici KİV-lərə istinadən xəbər verir ki, Rusiya hökuməti Türkiyədən soğan, rəngli kələm, brokkoli, eləcə də qərənfil idxalına qadağanı ləğv edib.

Qeyd edək ki, 2016-cı ilin oktyabrında Rusiya bəzi Türkiyə meyvələrinin idxalına da icazə verib.

Xatırladaq ki, 2016-cı il yanvarın 1-də Rusiya Türkiyədən bir sıra kənd təsərrüfatı mallarının ölkəyə idxal olunmasına qadağa qoyub. 2015-ci ilin noyabrında Rusiya qırıcısının Türkiyə tərəfindən məhv edilməsindən sonra rəsmi Ankara və Moskva arasında münasibətlər qəfil pisləşib və sözügedən qərar bu hadisələrin fonunda qəbul edilib.