AzNews.az "RİA Novosti”yə istinadən xəbər verir ki, yoxlamaya təxminən 6000 hərbçi və 1500 texnika cəlb olunub.

"CHD qoşunlarının komandanı Krasnodar və Stavropol əyalətlərində, Astraxan və Volqoqrad ərazilərində, Karaçayevo-Çerkesii və Adıgeydə yerləşdirilmiş bir sıra birləşmələr və hərbi hissələrdə,həmçinin, Rusiya hərbi bazalarının Ermənistan və Abxaziya respublikalarındakı bölmələrində döyüş hazırlığının qəfildən yoxlamasına start verib”, -deyə məlumatda qeyd olunur.

Yoxlamada başlıca məqsəd bölmələrin təyinat üzrə məsələləri həll etməyə nə dərəcədə hazır olduqlarını yoxlamaq, həmçinin döyüş təliminin səviyyəsini qiymətləndirməkdir. Qəfil yoxlama 20-dən çox qərargah və hərbi idarənin başqa orqanlarını əhata edəcək.