Parlamentin iclasında bu il yanvarın 19-da qəbul olunmuş "Azərbaycan Respublikasının İnzibati Xətalar Məcəlləsində dəyişikliklər edilməsi haqqında" qanuna prezidentin etirazı barədə qərar layihəsi səsə qoyulub.

Aktual.az Azvision.az-a istinadən xəbər verir ki, millət vəkilləri prezidentin etirazını məqsədəuyğun sayıb.

Qeyd edək ki, Azərbaycan Konstitusiyasının 110-cu maddəsinin I hissəsinə uyğun olaraq prezident İlham Əliyev Milli Məclis tərəfindən 2016-cı il yanvarın 19-da qəbul edilmiş "Azərbaycan Respublikasının İnzibati Xətalar Məcəlləsində dəyişikliklər edilməsi haqqında" qanunu imzalamadan fevralın 15-də Milli Məclisə geri qaytarıb.

Spiker Oqtay Əsədov prezidentin geri qaytardığı qanunun Milli Məclisin daxili nizamnaməsinin 21-ci maddəsinin ikinci hissəsinə uyğun olaraq, Hüquq siyasəti və dövlət quruculuğu komitəsinin rəyinə göndərib.

Hüquq siyasəti və dövlət quruculuğu komitəsinin fevralın 17-də keçirdiyi iclasda bu məsələyə baxaraq prezidentin təklifinin qəbulunu Milli Məclisə təklif edib.