KİV: İŞİD lideri ABŞ-ın Suriyadakı hərbi bazasında saxlanılır

KİV: İŞİD lideri ABŞ-ın Suriyadakı hərbi bazasında saxlanılır
  • DÜNYA

ABŞ hərbçiləri İŞİD terror qruplaşmasının lideri Əbu Bəkr Əl Bağdadini yaxalayaraq Amerikanın Suriyadakı hərbi bazasında saxlayırlar.
 
Aktual.az APA-ya istinadən xəbər verir ki, bu barədə "Yeni Şafak” nəşrinə məsələ ilə bağlı məlumatlı mənbə bildirib.
Mənbənin bildirdiyinə görə, Əbu Bəkr Əl Bağdadi İraqda ələ keçirildikdən sonra ABŞ-ın Suriyanın şimal-şərqindəki Ras-əl-Ayn şəhərində yerləşən hərbi bazasına aparılıb, daha sonra isə Əl-Hasaka şəhəri yaxınlığındakı dayaq məntəqəsinə köçürülüb. Məlumata görə, Əl Bağdadi ilə birlikdə İŞİD-in 7 səhra komandiri də ələ keçirilib, onlardan birinin İraq vətəndaşı olduğu bildirilir.
Qeyd edək ki, iyunun ortalarında Rusiya Müdafiə Nazirliyi İŞİD liderinin aviazərbə nəticəsində məhv edildiyini bəyan etmişdi. ABŞ tərəfi isə öz növbəsində Əl Bağdadinin ölmədiyini iddia etmişdi.
 
Aktual.az
Xəbər 78 dəfə oxunub.

YAZARLARIMIZ

SEÇİLMİŞ

SON XƏBƏRLƏR